Flutt að heiman!!!

ég er búin að gefast upp hérna...amk í bili. Það er ástæða fyrir því að ég t.d. setti margar færslur í gær...ég hef ekki getað sett inn eina langa!!! :( Svo þú getur kíkt á mig hér

Það er allt á fullu allsstaðar...

Foreldrafundir eru verkefni haustsins!!! Í síðustu viku fór ég á foreldrafund í bekknum hjá Ólöfu Ósk, í kvöld var fyrri hluti foreldrafræðslu í 1. bekk, seinni hlutinn annað kvöld. En áður en ég fer á þennan seinni hluta annað kvöld þarf ég aðeins að skella mér á foreldrafund á leikskólanum!!! Nóg að gera í þessu. Gott ég á ekki 10 börn!!! Þá hefði ég ekki tíma fyrir neitt nema fundi ;) hehe...

Ég ræddi þarna við sérkennara í samb. við börnin mín. Það hefur verið talað um að þau eigi rétt á auka kennslu í íslensku og ég vil að það verði farið að gera eitthvað ef þörf er á. Annars sagði reyndar kennarinn hennar Ólafar Óskar um daginn að hún væri rosalega vel stödd í íslenskunni, sem er náttúrlega frábært. Barn sem hefur búið í útlöndum frá 1½ árs aldri. Það er sennilega þrjóskan í okkur sem hefur hjálpað til þar ;) hehe... Og ekki má gleyma dugnaðnum í stúlkunni, hún hefur náttúrlega lesið og lesið á íslensku. Síðasta vetur var það t.d. verkefni sem hún hafði, að lesa á íslensku í hálftíma á dag. Sem hún gerði nánast undantekningarlaust, þessi dúlla.

Mér finnst þetta bara æði. Það er svo mikill munur að vera að koma úr skóla, eða amk bekk þar sem ekkert var nema vandræði og aftur vandræði, bekkur sem var umtalaður sem "versti bekkur skólans" og koma svo inn í þetta umhverfi. Bekkurinn sem Ólöf Ósk er í núna er víst umtalaður sem "einn besti bekkur skólans", sem er náttúrlega frábært eftir fyrri reynslu. Eftir að hafa barist við "illt í maganum" og "illt í hausnum" í meira og minna 5 vetur þá er stórkostlegt að upplifa að hún er ánægð og glöð og líður vel í bekknum. Þrátt fyrir að hún þekkti engann (hafði hitt eina stelpu einu sinni og eina aðra tvisar áður en skólinn byrjaði) þá hefur ekki verið einn morgunn þar sem henni hefur verið illt!! *7-9-13*

Það er allt á fullu allsstaðar...

Foreldrafundir eru verkefni haustsins!!! Í síðustu viku fór ég á foreldrafund í bekknum hjá Ólöfu Ósk, í kvöld var fyrri hluti foreldrafræðslu í 1. bekk, seinni hlutinn annað kvöld. En áður en ég fer á þennan seinni hluta annað kvöld þarf ég aðeins að skella mér á foreldrafund á leikskólanum!!! Nóg að gera í þessu. Gott ég á ekki 10 börn!!! Þá hefði ég ekki tíma fyrir neitt nema fundi ;) hehe...

Ég ræddi þarna við sérkennara í samb. við börnin mín. Það hefur verið talað um að þau eigi rétt á auka kennslu í íslensku og ég vil að það verði farið að gera eitthvað ef þörf er á. Annars sagði reyndar kennarinn hennar Ólafar Óskar um daginn að hún væri rosalega vel stödd í íslenskunni, sem er náttúrlega frábært. Barn sem hefur búið í útlöndum frá 1½ árs aldri. Það er sennilega þrjóskan í okkur sem hefur hjálpað til þar ;) hehe... Og ekki má gleyma dugnaðnum í stúlkunni, hún hefur náttúrlega lesið og lesið á íslensku. Síðasta vetur var það t.d. verkefni sem hún hafði, að lesa á íslensku í hálftíma á dag. Sem hún gerði nánast undantekningarlaust, þessi dúlla.

Mér finnst þetta bara æði. Það er svo mikill munur að vera að koma úr skóla, eða amk bekk þar sem ekkert var nema vandræði og aftur vandræði, bekkur sem var umtalaður sem "versti bekkur skólans" og koma svo inn í þetta umhverfi. Bekkurinn sem Ólöf Ósk er í núna er víst umtalaður sem "einn besti bekkur skólans", sem er náttúrlega frábært eftir fyrri reynslu. Eftir að hafa barist við "illt í maganum" og "illt í hausnum" í meira og minna 5 vetur þá er stórkostlegt að upplifa að hún er ánægð og glöð og líður vel í bekknum. Þrátt fyrir að hún þekkti engann (hafði hitt eina stelpu einu sinni og eina aðra tvisar áður en skólinn byrjaði) þá hefur ekki verið einn morgunn þar sem henni hefur verið illt!! *7-9-13*

Ammili

Systursonur minn, hann Birgir Elís, er afmælisbarn dagsins. Birgir Elís er 12 ára töffari :) Elsku Birgir, til hamingju með daginn.

Grunnur að nýrri ensk-íslenskri orðasambandabók!

1. The raisin at the end of the hot-dog = Rúsínan í pylsuendanum.
2. I measure one-pulled with it = Ég mæli eindregið með því.
3. Now there won't do any mitten-takes = Nú duga engin vettlingatök.
4. I come completely from mountains = Ég kem alveg af fjöllum.
5. Thank you for the warm words into my garden = Þakka þér fyrir hlý orð í minn garð.
6. Everything goes on the back-legs = Það gengur allt á afturfótunum.
7. He's comepletely out driving = Hann er alveg úti að aka.
8. It lies in the eyes upstairs = Það liggur í augum uppi.
9. She gave me under the leg = Hún gaf mér undir fótinn.
10. He stood on the duck = Hann stóð á öndinni.
11. I teach in breast of him = Ég kenni í brjósti um hann.
12. On with the butter!!! = Áfram með smjörið!
13. In a green bang = Í grænum hvelli
14. I springteach him = Ég vorkenni honum
15. Front seat advise Sir = Forsætisráðherra
16. Stomp steel into them = Stappa stálinu í þá
17. Hot spring river this book = Hver á þessa bók?
18. Nobody becomes an unbeaten bishop = Enginn verður óbarinn biskup
19. I took him to the bakery = Ég tók hann í bakaríð
20. I will find you on a beach = Ég mun finna þig í fjöru
21. To put someone before a cats nose = Að koma einhverjum fyrir kattarnef
22. I only pay with an angry sheep = Ég borga bara með reiðufé
23. I'll show him where David bought the ale = Ég skal sýna honum hvar Davíð keypti ölið.
24. I will not sell it more expensive than I bought it = Sel það ekki dýrara en ég keypti það
25. He doesn't walk whole to the forrest = hann gengur ekki heill til skógar
26. Mountain handsome = fjallmyndarlegur

Sunnudagsgestir

Við fengum gesti aftur í dag :) Mjög gaman. Hemmi, Birna og Emil Ísar komu í kaffi.



Loksins, þau eru sko búin að vera á leiðinni síðan í sumar (það er svo sem ekki eins og við séum búin að fara til þeirra...frekar en annara...;)

Annars var bara algjör letidagur hjá okkur. Fór aldrei í föt...eða sko ekki misskilja mig, ég var sko í kvöldfötunum (flísbuxunum sem Einari finnst svo ljótar;) og Ólöf Ósk var sko í náttfötunum í allan dag. Ótrúlega gott að eiga svona rólegheita dag og fá svo óvænta gesti. Það var yndislegt. Það er fátt skemmtilegra en þegar gestir birtast. Eins og um síðustu helgi þegar brói bankaði óvænt uppá. Ég er ennþá að njóta þess, það var æði. Vona að hann komi aftur. En samt ekki um næstu helgi því það yrði algjörlega fýluferð þar sem við verður sko í sumarbústað :)

Símaröfl...

Ég reyndar gerði svolítið sem ég hef ekki gert síðan ég veit ekki hvenær, amk ekki síðan við fluttum (þeim sem þekkja mig, eflaust til mikillar undrunar!!). Ég lá í símanum í örugglega 1½ klukkutíma. Byrjaði sko á því að hringja í Tinnu vinkonu mína í Græsted. Það var yndislegt að heyra í henni. Úff, ég sakna hennar sko.
Svo vildi Jóhannes endilega hringja í Siggu Báru ömmu sína og segja "takk" (ekki spyrja mig fyrir hvað;) svo hann gerði það. Svo talaði ég við elskulega tengdamóður mína sem spurði mig steinhissa fyrir hvað drengurinn hefði verið að þakka. Ég sagði að mér þætti líklegast að hann hefði verið að þakka fyrir afmælisgjöfina (sem hún kom með fyrir mánuði síðan!!). Svo spjölluðum við sko saman í dágóða stund, m.a. um fyrirhugaða sumarbústaðarferð um næstu helgi (þá verður líklega bara bloggfrí).
Jæja, ekki er allt búið enn því þegar þessu símtali lauk þá hringdi ég sko í Elínu sys. til að fræðast meira um fyrirhugaða ferð á Ronju Ræningjadóttur. Pabbi er vanur að fara alltaf með Hörpu í leikhús, en núna þegar fleiri barnabörn eru flutt á svæðið ákvað hann að sleppa ekki ferðinni heldur fara bara með hópinn eins og hann leggur sig (reyndar án Jóhannesar, Arnars og Sigþrúðar;).

Jæja, ætla að fylgja dóttir minni inn og lesa svo smá fyrir morgundaginn. Alltaf nóg að gera ;)

Reykjavík...

Frekar fyndið úr Reykjavík síðdegis, ekki mikið hægt að skilja hvað manngreyin eru að reyna að segja en gaman að hljæja með þeim ;)

Áttum skemmtilega endurfundi með elsku Möggu og Birni.

.

Eins og Björn skrifaði í gestabókina, "eins og við hefðum hist í gær". Þetta verður sko endurtekið, næst á Hringbrautinni. Elsku dúllurnar mínar, ástarþakkir fyrir komuna :)

Verð að segja ykkur að ég er að setja myndir inn á heimasíðu barnanna - LOKSINS!!! ;)

Var ég búin að segja ykkur að ég gerði stórkostlega uppgötvun í gær?! Komst sko að því að það er slysó á Akranesi!! Og á föstudagskvöldi kl. 21.30 er ENGIN bið! Ekki eins og í Græsted, þar sem engin slysó er, og við þurftum að keyra 20 km og bíða svo í 6 klukkutíma þegar Jón Ingvi fékk götin tvö á hausinn þarna í vor. Ástæðuna fyrir því að ég gerði þessa uppgötvun geturðu lesið hér

Afmæli og fleira

Ég held að þessir kennarar sem ég VEIT að lesa bloggið mitt séu í felum þar sem þeir vilja ekki opinbera að þeir skilja ekki sjálfir tungumálið sem er talað í Grundaskóla!!! Eða hvað haldið þið (þið sem ekki eruð í felum...)?!!

Ég gleymdi mér alveg í gær. Það var nefninlega afmælisbarn dagsins í gær, og það var hún Kirsten, vinkona mín. Kirsten varð 66 ára í gær.


Svo er það afmælisbarn dagsins í dag. Það er hún elskuleg móðursystir mín, hún Gugga. Elsku Gugga, ég sendi þér mínar allra bestu óskir í tilefni dagsins. (ég fann enga mynd í tölvunni og þessa alltoflitlu mynd fann ég á netinu)



Við eigum von á góðum vinum í mat. Magga og Björn ætla að brenna á Skagann :) Það verður gaman að hitta þau, hitti þau síðast í sept. á síðasta ári, en þau fluttu heim til Íslands s.l. sumar. Jæja, verð að rjúka, þau eru að renna í hlaðið...

svefngalsi...

Í tilefni af því að ég ELSKA BELJUR þá ákvað ég að deila þessari sætu kusu með ykkur ;) og þetta hér, úff ég dó næstum því úr hlátri...og Einar spurði; "var einhver að detta? Það hlýtur að vera!"...skyldi hann þekkja mig...?!!

OK!!

Annað hvort hefur enginn lesið það sem ég skrifaði í gærkvöldi, eða þá að enginn veit hvað þessi skrítnu orð þýða...eða enginn vill segja mér það!!!

Svo nú ákalla ég alla kennara, hvort sem það eru grunnskólakennarar, menntaskólakennarar eða háskólakennarar!!! Eða einhverjir aðrir sem skylja þetta tungumál sem talað er í amk. grunnskólum...eða amk í Grundaskóla!!!

Allt gott að frétta, skelltum okkur í sund, hele famelien, þegar ég kom heim úr vinnunni. Bara ansi hreint notalegt. Við mættum Ólöfu Ósk í dyrunum á sundlauginni, hún að koma af æfingu þegar okkur bar að garði. Hún sneri við í dyrunum og dreyf sig oní aftur!! Og var klukkutíma lengur en við!!!

Held það séu farin að vaxa á henni sundfit ;)

Fimmtudagur once more...

...ég hef sagt það áður og segi það enn, Time flyes when you are having fun!!! Ótrúlegt hvað vikurnar líða hrykalega fljótt. Ég var að telja og ég á að vera 9 vikur á 13D og núna er 3. vikan að verða búin, sem sagt 1/3 búinn strax...og ég er rétt byrjuð. Það er enn gaman, alltaf að læra eitthvað nýtt.

Ég gerði mistök í dag...svakaleg mistök. Ég var búin að gleyma að Jón Ingvi ætti að labba heim 15.10 og hann var kominn heim á undan mér :( úff, mér hefur sjaldan liðið eins illa. Litli drengurinn minn kom að læstum dyrum. Það var sárt, fyrir hann og mig. Ég er búin að lofa honum að ég muni gera allt, sem í mínu valdi stendur, til að þetta komi aldrei fyrir aftur. Greyið litla.

Ég fór á foreldrafund í 6. bekk áðan. Ég er alltaf að komast að því að það hafa orðið til mörg ný orð í íslenskunni á meðan við vorum í burtu. T.d. "gagnvirk" lesning og "samvirkt" nám!! Ég verð bara að viðurkenna að ég skil þetta ekki alveg. Þar sem ég geri ráð fyrir að einhverjir af grunnskólakennurunum í fjölskyldunni rambi hér inn...þýðingu takk!! ;) Þetta eru reyndar bara tvö orð af fleirum sem ég man ekki eftir í íslenskunni fyrir 9½ ári síðan. T.d. "auðkennikort". Já, ég er sko stolt yfir því að íslenskan sé vernduð svona vel, en vantar bara nýyrðaorðabók!!!

Meðvirkni

Fyrir þá sem hafa áhuga þá er hér grein um meðvirkni. Ég verð að segja að ég kannast nú alveg við slatta af þessu... ;) hehe...

Mér tókst að læra slatta í dag :) Las og skrifaði.

Ég held ég fari snemma í bælið...ég er þreytt. Ég horfði sko á sjónvarpið í gærkvöldi!! Gerist ekki oft, man ekki hvenær ég gerði það síðast. En það var einhver spæjaraþáttur sem virkaði svo ægilega spennandi...en hann er sko ekki fyrr en kl 22.35 og það er fullseint fyrir mig... Gott ég þarf ekki að glápa á hverju kvöldi!!

Nú ætla ég að klára að ganga frá eftir kvöldmatinn og skríða svo í bælið og SOFA vært til kl 6.00.
Mig dreymir geðveikt mikið þessa dagana (eða öllu heldur næturnar), ég er að spá hvort það geti verið út af öllu þessu nýja sem ég er að upplifa í vinnunni. Mér finnst ég svo miklu þreyttari þegar ég er búin að vera á fullu spani alla nóttina í einhverju draumafargi...kannist þið við það?

Góða nótt, elskurnar :)

Mette Lisby

Ég verð að benda ykkur á frábærlega skemmtilega skrifaða grein um nauðganir, eða viðhorf til nauðgana, skrifuð af Mette Lisby. Hún er á dönsku, en ég reikna með að flestir gesta minna geti stautað sig fram úr því, eftir að hafa stundað dönskunámið í grunnskóla af miklum áhuga ;)

Dagurinn í dag er illa nýttur. Ég er rétt núna alveg að fara að byrja að lesa...er búin að liggja á netinu og svo sofnaði ég líka smá á sófanum áðan...þvílíkt kæruleysi og stjórnleysi!!! Ég verð að standa mig betur því ég þarf að skila "studiebog" í lok næstu viku, með amk eitthvað eitt sem ég hef upplifað fyrir hverja viku sem er liðin...og það á að vera dyggilega stúderað út frá fagbókmenntum... Ef þið bara vissuð hvað ég hlakka mikið til að verða búin að læra!!!

En, þetta gengur ekki, hætt, búin, farin...

Að leika hjúkku...

Það er ennþá jafn gaman í vinnunni, eða "að leika hjúkku" eins og ég kalla það ;) hihi...

Á laugardaginn sendi ég plan til kennara í skólanum úti, sem var umsamið að ég myndi gera, þar sem þau vilja fylgjast með mér og mínu verknámi hérna. Henni þótti þetta plan vera "lige lovlig ambitiøst", að sjá um þrjá sjúklinga strax núna...það væri nú ekki fyrr en ég lok tímabilsins sem ég ætti að geta það!! Eeeennn, ef ég væri í nánu samstarfi við minn deildarkennara þá væri þetta kannski í lagi... Það datt næstum því andlitið af Siggu þegar ég sagði henni þetta...og við urðum sammála um að við værum íslendingar!!! (smá þjóðarrembingur;) og það væri engin ástæða til að hanga og láta sér leiðast í vinnunni!! Svo við bara héldum okkar striki og að sjálfsögðu er Sigga þarna til að halda í hendina á mér ef ég þarf á því að halda. Til þess er hún þarna ;) hehe...

Svo þarf ég fljótlega að huga að því að skrifa bréf, svokallað "rejsebrev" til skólans. Mér finnst það ekki mjög spennandi. En, ég á að gera það...til að aðrir nemendur skólans geti notið góðs af... Reyndar held ég að fæstir lesi þessi bréf, ég man aldrei eftir að neinn hafi nefnt þessi bréf í skólanum, en hins vegar hafði ég ánægju af þessum bréfum fyrri skiptinema, notabene EFTIR að ég vissi að ég væri að fara sjálf. Svo kannski getur einhver fengið ánægju af þessum bréfum mínum, ég á að senda 2-3 (ætli þau verði þá ekki 2...)

Háttatími

Jæja, þá eru drengirnir komnir í bælin sín. Eða Jóhannes, Jón Ingvi ætlar að kúra hjá mér í nótt, Einar er að fara á næturvakt. Ólöf Ósk er vön að kúra en nú ákvað Jón Ingvi að hann vildi það. Það er svo notalegt að hafa þessa litlu engla uppí. Mér finnst það amk.
Háttatíminn er yfirleitt voða ljúfur, ég les fyrir þá, venjulega skiptast þeir á að velja hvað á að lesa (Jóhannes er vargur og vill helst alltaf ráða;) svo syng ég lag sem Jóhannes velur, sem í kvöld var "Dvel ég í Draumahöll" úr Dýrin í Hálsaskógi. Svo tölum við, við Guð, þökkum fyrir okkur, daginn og ýmislegt annað, biðjum Guð að gefa þeim góða drauma og förum með Faðir Vor. Svo syng ég lag sem Jón Ingvi velur, sem í kvöld var "Í bljúgri bæn.
Það eru ýmis lög sungin, en þau sem eru efst á vinsældarlistanum eru Ég veit þú kemur og Þórður. Jón Ingvi hefur talað um að ég eigi að syngja inn á geisladisk áður en ég fer til Danmerkur svo hann geti hlustað á það á kvöldin þegar ég verði ekki heima!!! hehe...ég veit svei mér ekki...